سواغ مان : باش نرجع لتونس وناخو حقي (فيديو)
شارك مغني الراب التونسي المثير للجدل “سواغ مان” بيانا رسميا عبر صفحاته الشخصية يعلن من خلاله أنه ينوي العودة إلى تونس و اللجوء إلى محاكمة عادلة لأنه يثق في العدالة الاجتماعية بتونس و قانونها و رئيسها قيس سعيد.
وجاء في نص تدوينته مايلي :”
أصحابي ،عائلتي ،متابعيني و محبيني !! باش نكون على قريب في تونس خاطر كنت ضحية محاكمة عن طريق الرشوة لافتكاك ثروتي ،من طرف عصابة متكونة من عديد الاطراف ! الي حبو يضروني بالتواطؤ مع أطراف من الميديا كان الهدف متاعهم التشهير بيا !!! باش نجي على قريب لتونس و باش يسمعوني و يستجوبوني في القضية هاذي توا ولات قضية دولية باش نعمل مخاطرة و نجي على خاطر محبتي في بلادي ! محبتي في بلادي الي وجعتني ياسر بسبب مجموعة من الفاسدين منهم وزراء ..مدعين عامين ..قضاة.. محامين ..محققين.. مديري شركات و شركائهم .. “
وأضاف :”تونس نحبك ! و مازال عندي الثقة في العدالة و في القضاء بالرغم من كل الوجع والظلم إلي تعرضتلو… نحب نشكر المحامين متاعي إلي في تونس ،في أمريكا، في فرنسا ، في سويسرا و في المكسيك .. خاطر الكل متعاونين مع بعضهم بكل جهد باش يرجعولي حقي ويدافعو عليا .. أخيرا الحقيقة باش تظهر على قريب !! الحقيقة الي أغلبكم ما يعرفوهاش خاطر تمت مغالطتكم بيها في الاعلام !!… “
و أردف :”ومازلت أؤمن بعدالتك ، بعدالة قيس سعيد ! رغم الظلم و الافلات من العقاب !! رغم كل الالم الذي سببته لي هذه البلاد !! الحقيقة سوف تظهر و كل شيء سوف يعرف “.
الفيديو :